مقرونة بالجمبري

  • سهلة
  • 40دق
  • 4 أشخاص
  • مالح

نودكم المرة هذي بوصفة ساهلة وبنينة متع مقرونة بالجمبري. الصالصة معمولة بطماطم فرشكة وفلفل وبصل ومفوحة بخلطة الأعشاب الإيطالية. بالطبيعة ما نجمش نستغنى على اللمسة التونسية، حطيت فيها شوية هريسة…

الوصفة

  • 500غ مقرونة
  • 1 بصلة مفرومة
  • 3 روس ثوم
  • 400غ جمبري مقشر
  • 4 إلى 5 طماطم
  • 2 إلى 3 فلفل أخضر تايلندي (أو أي فلفل حار فرشك)
  • معدنوس
  • بصل أخضر
  • زيت زيتونة
  • أوراق رند
  • ملح وفلفل أكحل
  • تابل
  • 1 مغرفة صغيرة خليط الأعشاب الإيطالية (أو أعشاب البروفينس)
  • فلفل أحمر مرحي أو هريسة (حسب الرغبة)
  • طيب الجمبري في مغرفة كبيرة زيت نباتي وشوية فلفل أكحل. خليه على جنب.
  • قلي البصل المفروم والثوم المفروم في مغرفتين كبار زيت زيتونة لمدة 5 إلى 8 دقايق.
  • قص الطماطم إلى مكعبات وطيبها مع البصل.
  • فوح الصلصة بل فلفل الأكحل، الملح، التابل وأوراق الرند (والفلفل الأحمر أو الهريسة إذا تحبوا الحار). خلي الصلصة تغلي لمدة 15 دقيقة. زيادة الماء عينك ميزانك، حسب الطماطم إذا فيها برشة وإلا شوية ماء.
  • زيد الفلفل مقصوص والمعدنوس للصلصة. خليها تغلي لمدة 8 إلى 10 دقايق. (زيد الماء إذا لازم!)
  • كيف الصلصة تطيب، زيد خلطة الأعشاب الإيطالية والجمبري.
  • طيب المقرونة في ماء يغلي. في العادة لا نزيد لا ملح لا زيت.
  • كي المقرونة تطيب، استقطرها وخلطها مع الصلصة.
  • قدم المقرونة سخونة مع شوية بصل أخضر ومعدنوس مالفوق.
صحة وبالشفاء!