صمصة حلوة بالفاكية والجلجلان، من الحلويات المحبوبة في تونس في شهر رمضان.

صمصة

الوصفة

  •  160°C
  •  15دق
  • قص ورقات الملسوقة بالطول. حاول جيبهم الكل فرد عرض.
  • في صحفة كبيرة، خلط اللوز والبوفريوة والسكر المحور.
  • زيد الجلجلان المرحي. لازم يكون معرج ومرحي لين يقر زيته شوية.
  • زيد العسل والعطرشية.
  • خلط لين يولي كيف العجينة.
  • إذا حسيت العجينة مازلت شايحة وتتفترش شوية زيد شوية عسل أو عطرشية.
  • حط مغرفة كبيرة مالحشو فوق ورقة الملسوقة وإثني على شكل مثلث.
  • إدهن طبق الفرن بشوية زيت نباتي.
  • حط مثلثات الصمصة فوق الطبق وإدهنهم بشوية زيت باستعمال الفوشة.
  • دخلهم يطيبو في فرن مسبق التسخين على درجة 160°C لمدة بين 15 و 20 دقيقة.
  • كعبات الصمصة لازم لونهم يولي ذهبي.
  • حضر الشحور : حط الماء والسكر فوق النار. دوبا يولي يغلي، زيد عصرة قارص وخليه يزيد يطيب لمدة 5 دقايق، من بعد خليه يبرد.
  • كي تطيب الصمصة، خرجها مالفور وشحرها.
  • رش عليها فاكية مرحية أو جلجلان.

صحة وبالشفاء!
صمصة

صمصة