رشتة حلوة
وصفة تونسية
المرة هذي جبتلكم روسات زمنية نطيبوها برشة في باجة واكتشفت زادت كونها معروفة زادة في بنزرت. الرشتة الحلوة حاجة بنينة برشة. نحبها خاصةً في رمضان مع السحور.
الوصفة
- إدهن الرشتة بالزيت وخليها تفوّر لمدة 20 دقيقة.
- اسقي الرشتة بالماء الدافي، زيد الزبيب وخليها تفوّر لمدة 20 دقيقة اخرين.
- وقتلي الرشتة تطيب، اسقيها بنصف كمية الزبدة المذوبة وخليها تشرب لمدة 5 دقايق.
- سخن الحليب وذوّب فيه السكر.
- اسقي الرشتة بالحليب. وقتلي تشرب الحليب الكل، حط بقية الزبدة المذوبة والعطرشية.
- قدمها دافية مع الفاكية المرحية والتمر.
صحة وبالشفاء!
