عجينة التارت

عجينة تارت، pâte brisée، ساهلة وناجحة تمشي مع المالح والحلو.

إذا تحب عجينة التارت تكون حلوة، زيدها سكر حسب الذوق.

إذا تحبها ذهبية اللون وتلمع وما توليش طرية كي تحط فيها الكريمة (خاصةً للتارت الحلوة) تبع الطريقة هذي: بعد ما تحط التارت في الفور، استنى 10 أو 15 دقيقة قبل ما تخرجها. ادهنها ب1 أصفر بيضة مخلط مع 1 م.ص. ماء باستعمال فوشة. عاود دخلها للفرن تكمل تطيب لمدة 10 إلى 15 دقيقة اخرين.

الوصفة

• قص الزبدة مكعبات وخلطها مع الفارينة والملح بطرتوشة صوابعك باش الزبدة ما تسخنش و العجينة تهلك.
• اغلب الأوقات نحط الزبدة مع الفارينة والملح في mixeur. أسهل وأسرع والنتيجة أحسن.
• زيد الماء بالشوية باش تلم العجينة.
• حاول ما تقعدش تعجن ياسر باش العجينة تجيك هايلة.
• لفها في film alimentaire وخليها ترتاح في الثلاجة مدة ربع ساعة على الأقل قبل الإستعمال.
• حل العجينة بالقلقال مع الإستعانة بشوية فارينة و طيبها في الفرن بين 20 و 25 دقيقة على حرارة 180°C حتى لين تحمار شوية.

صحة وبالشفاء!