كايك البرتقال
ببرتقالة كاملة
كايك خفيف وبنين غني بمطعم البرتقال.
الوصفة
- قص كعبة برتقال (بقشرتها) طروف ونحيلها القلوب. من المستحسن إستعمل البرتقال إلي قشرته مش خشينة برشة.
- إرحي طروف البرتقال مع الزيت. الخليط ما لازمش يكون أرطب.
- اركض العضمات مع السكر لمدة 2 دقايق وزيد عليهم البرتقال المرحي.
- غربل الفارينة مع الخميرة من بعد زيدهم بالطرف لخليط العضم والبرتقال.
- ادهن إناء الكايك بالزبدة وصب فيه الخليط. الخليط ما لازمش يفوت 2/3 (ثلثين) علو الاناء باش ما يفيضش كي ينفج.
- طيب الكايك في فرن مسبق التسخين على 170°C لمدة 40 دقيقة.
- كي يطيب الكايك، خليه يبرد في الاناء، من بعد نحيه وخليه يبرد فوق حاجة مشبكة ماللوطة باش ما يعرقش.
صحة وبالشفاء!
