نمبر كيك
NUMBER CAKE
من مدة صارت موضة ال-Number Cake إلي تغرمو بها برشة عباد. الحق اكتفيت بالفرجة وأنا نستنى في مناسبة نحضر فيها هالدسير المزيان. عاد أيامات لتالي احتفلت مع زوجي بعيد ميلاد عرسنا، قلت علاش منجربش ال-Number Cake؟!
عجينة التارت عملتها بطعم الشكلاطة وعملت crème diplomate بطعم الفانيليا. للزينة، استعملت كعبات فراولو، meringues وشكلاطة…
الرقم طبعته من الكمبيوتر على ورق A4 وقصيته وفصلته على العجينة باش جاني مرتوب ومزيان.
نخليكم تقراو بقية تفاصيل الوصفة…
الوصفة
- عجينة التارت
- 180°C
- 20 دق.
- الكريمة
- أول حاجة نبداو بها هي تحضير عجينة التارت : خلط المكونات الجافة الكل مع بعضها. من بعد زيد الزبدة وحاول خلطها بأطراف الأصابع، ثم زيدها العظمة و شوية ماء بش تلمها.
- خلي العجينة ترتاح 10 دقايق في الثلاجة.
- حل العجينة بالقلقال وهي مابينات زوز أوراق متاع الفرن. من بعد فصل الرقم أو الحرف إلي تحب عليه.
- طيب العجينة في الفرن مسبق الحرارة على 180°C لمدة 20 دقيقة.
- لما التارت تطيب، خليها تبرد لمدة 30 دقيقة على الأقل، وحضر الكريمة.
- غلي الحليب.
- خلط أصفر العظم مع السكر لين يبياض، ثم زيده النشاء وروح الفانيليا.
- صب عليه نصف كمية الحليب إلي غليته وحرك.
- زيد بقية الحليب وحوف الكريمة تطيب على نار متوسطة دون التوقف عن التحريك.
- كي الكريمة تعقاد، صبها في صحفة كبيرة وحركها بش تبرد، ثم خليها تبرد في الثلاجة لمدة 15 دقيقة.
- ذوب مسحوق الجيلاتين في 3 مغارف كبار ماء وزيدها للكريمة.
- اركض كريمة الخفق وزيدها بالشوية بالشوية للكريمة إلي فيها الجيلاتين.
- الكريمة حضرت، خليها ترتاح شوية وقت في الثلاجة من بعد زين بها التارت بإستعمال القرطاس.
- زيها باللي تحب: شكلاطة، غلة، ميرنغ،…
صحة وبالشفاء!
