خبز أسمر بلاش عجنان

  • متوسطة
  • 1س 30
  • 6-8 أشخاص
  • مالح

جبتلكم المرة هذي وصفة ساهلة ماهلة متاع خبز أسمر بلاش عجنان ولا عركان.

الوصفة

  • 250غ فارينة كاملة (سمراء)
  • 250غ فارينة بيضاء
  • 70مل حليب
  • 1 مغرفة صغيرة ملح
  • 1+ + ½ مغرفة كبيرة خميرة فورية متاع خبز
  • 1 مغرفة صغيرة سكر
  • 300مل ماء دافي
  • 220°C
  • 20 دق.
  • حل الخميرة مع السكر في طرف ماء دافي وخليها تخمر لمدة 10 دقايق.
  • خلط المكونات الكل مع بعضها مع إضافة الماء في الأخير. بش تتحصل على عجينة تتلصق.
  • غطيها بمنديلة وخليها تخمر لمدة 1 ساعة ونصف على الأقل.
  • كي تجي بش تفورم الخبيزات متاعك، إستعمل شوية فارينة باش العجينة ما تلصقش على الطاولة وفي يديك.
  • تنجم تزين الخبيزات بشوية حبة بركة (سينوج) وبسباس كعب.
  • طيب الخبز لمدة 20 دقيقة في فرن مسبق التسخين على 220°C.

ملاحظة: باش يجيك خبز يتڤرمش، حط إناء معبي بالماء في الفرن ماللوطة.

صحة وبالشفا!