نايس كريم
أيس كريم هلثي
فكرة ساهلة، بنينة وصحية بش تستمتع بالايس كريم!
الوصفة
- فما طريقتين لتحضير الأيس كريم هذا، والزوز يعطيو نتيجة ممتازة.
- الطريقة الأولى:
- قص البنان لقطع متوسطة وحطها في الفريزر (congélateur) لمدة ساعتين.
- حط البنان المثلج في الخلاط (mixeur) مع الياغورت اليوناني.
- خلط مليح لين تتحصل على خليط متجانس وكريمي.
- زيد حبيبات الشكلاطة. تنجم زادة ترحيهم معاهم في الخلاط.
- قدمها في الحين.
- الطريقة الثانية:
- حط البنان (غير مثلج) مع الياغورت اليوناني في الخلاط وإرحي مليح.
- حط الخليط في حكة بلاستيك وخليه في الفريزر (congélateur) لمدة ساعتين.
- حاول قص الخليط المجمد لمكعبات كبار بالسكينة و إرحيهم في الخلاط مع الشكلاطة قبل التقديم.
صحة وبالشفاء!
