كايك

من أسهل الكايكات وأكثرهم حضور على طاولة فطور الصباح. الوصفة متع الكايك هذا بالزبدة. إذا تحب الوصفة متع الكايك بالزيت النباتي، تنجم تلقاها على الرابط هذا.

الوصفة

• غربل الفارينة مع الخميرة الكيميائية في صحفة وخليهم على جنب.
• في صحفة أخرى، اركض العظمات مع السكر ومن بعد زيدهم الزبدة الذايبة (بعد ما تبرد).
• زيد عليهم الفارينة وخلط مليح.
• زيد الحليب.
• اقسم العجينة في زوز صحاف بالتساوي، و خلط بودرة الكاكاو في وحدة منهم.
• ادهن إناء الفرن متاع الكايك بالزبدة، وصب فيه الصحفتين مرة بمرة باش الكايك يجي مزين على لونين.
• طيب الكايك في فرن مسبق التسخين على درجة 180°C لمدة ما بين 30 و 35 دقيقة.

صحة وبالشفاء!