شربة عدس
فكرة شربة خفيفة وبنينة وصحية. زيد ما تشدش اليد! تنجموا تستعملو فيها أي نوع متع عدس متوفر عندكم؛ مقشر، بقشوره، أصفر، أخضر، برتقالي…
الوصفة
- نفخ العدس لمدة ليلة.
- قلي البصل في الزيت ثم زيدهم العدس و الثوم.
- حط الملح والفلفل الأكحل و التابل والكركم.
- زيد الماء (تقريبا 1ل أو أكثر). تنجم تزيد الماء حسب الجراوة إلي إنت تحب عليها.
- خلي الشربة تغلي لمدة 30 دقيقة. ديمة عس على الماء.
- وقتلي تشوف الشربة طابت، حطلها الكمون و خليها تاخذ غلوة لمدة 5 دقايق.
- إرحي الشربة في الخلاط بش تجيك رطبة.
- قدمها سخونة مع عصرة قارص.
صحة وبالشفاء!
