تارت مالحة، ساهلة وبنينة، تتقدم مع شربة دافية وإلا سلاطة.

في الوصفة هذي تنجم تعوض الكراث بالبصل، وتنجم زادة تضيف دجاج.

تارت مالحة بالكراث والفطرو القرع الأخضر

الوصفة

العجينة (Pâte Sablée)
  • خلط الزبدة مع الفارينة بإستعمال أطراف الأصابع. من المستحسن إستعمل mixeur.
  • زيد أصفر البيضة وشوية ملح.
  • زيد الماء البارد بالشوية، ما يلملك العجينة.
  • ما يلزمش تخدم العجينة برشة.
  • خلي العجينة ترتاح لمدة 20 دقيقة على الأقل في الثلاجة.
تارت مالحة بالكراث والفطرو القرع الأخضر
الحشو
  • قلي الكراث أو البصل مع شوية زيت على نار متوسطة، لمدة 5 دقايق.
  • زيد الفطر والقرع الأخضر، وذبلهم لمدة 10 إلى 15 دقيقة.
  • حط الخليط في صحفة.
  • زيد البيض، أبيض البيضة، الجبن، الcrème fraîche ، الملح والفلفل أكحل.
تارت مالحة بالكراث والفطرو القرع الأخضر
التارت
  •  190°C
  •  40دق
  • حل العجينة بالقلقال وشوية فارينة، وحطها في إناء التارت.
  • نقب العجينة بالفرشيطة.
  • حط الحشو.
  • حط شوية جبن مبشور مالفوق.
  • طيبها في فرن مسبق التسخين على 190°C لمدة بين 40 و 45 دقيقة.
  • قدمها دافية.

صحة وبالشفاء!