كنافة بالقشطة
طريقة ساهلة وبنينة متاع كنافة بالقشطة.
الكميات متاع الوصفة هذي مناسبين لإناء مدور قطره 18 صم.
أنا اخترت نفوح بالعطرشية. تنجمه تعوضوها بالزهر أو ماء الورد.
الوصفة
- حط السكر مع الماء وعصير الليمون في كسرونة.
- خليهم يغليو على نار متوسطة.
- وقتلي يبداو يغليو، نقص في النار شوية وإحسب 10 دقايق.
- نحي الشحور من على النار وزيده العطرشية.
- خليه على جنب يبرد.
- حط الحليب والنشا في كسرونة وحركهم مليح في البارد حتى لين النشا يتحل الكله.
- زيد السكر.
- حطهم يغليو على نار متوسطة مع التحريك المستمر.
- كي تبدى الكريمة تغلي، نقص في النار وزيد العطرشية.
- خليها تغلي مدة دقيقتين تعقاد شوية وتفي عليها.
- خلها تبرد على جنب.
- قطع أو قص الكنافة لطروف صغار متع 2 صم تقريباً.
- زيد الزبدة الذايبة والسكر.
- خلط مليح بيديك لين تتأكد إلي الكنافة الكل تغلفت بالزبدة.
- حط شطر كمية الكنافة في إناء الفرن مدهون بالزبدة ورصها واستويها مليح باستعمال كاس.
- أنا استعملت إناء مدور قطره 18 صم.
- حول شكل حرف صغير علوه 1 صم باش تنجم تحط القشطة في الوسط من غير ما تخرجلك على الأجناب.
- حط طبقة القشطة واستويها مليح.
- زيد طبقة الكنافة إلي بقات ورصها واستويها مليح.
- حط الكنافة تطيب مدة 20 إلى 25 دقيقة في فرن مسبق التسخين على درجة 200°C.
- كي تحمار الكنافة ويولي لونها ذهبي غامق خرجها وشحرها طول. الشحور لازمه بارد.
- خلها ترتاح 10 دقايق في إناء الفرن من بعد اقلبها في إناء التقديم.
- زينها بشوية فستق وقدمها دافية.