عصيدة بوفريوة
عصيدة البوفريوة، ساهلة ماهلة تعملوها للسهرية وإلا لعشوية مع الأحباب.
الوصفة
- حمر البوفريوة في الفرن وبعد نحيلها القشور كي تبدى مازلت سخونة.
- إرحي البوفريوة في الخلاط الكهربائي لين تولي عجينة رطبة وسايلة شوية.
- حط عجينة البوفريوة والحليب والحليب المركز المحلى والفارينة في الخلاط واضربهم مليح لين تتحصل على خليت متجانس بلاش كعابر.
- حط الخليط في وعاء وحطو على نار متوسطة.
- حرك حتى لين تولي الخلطة كريمية و عاقدة دوبلاش ( تكون جارية أكثر شوية من الكريمة العربي.)
- زيد السكر وكمل حرك.
- خليها على النار مع التحريك المستمر حتى لين تغلي لبضع دقائق.
- ما دام العصيدة مازلت سخونة، حطها في كيسان وإلا صحاف للتقديم.
- زينها مالفوق بشوية فاكية.
- ملاحظة: العصيدة كي تطيب تبدى جارية شوية، يا دوب تعقاد شوية مش برشة، على خاطر كيف تبرد تشد روحها أكثر.
صحة وبالشفاء!
