اليوم جبتلكم وصفة عصيدة البوفريوة. حويجة ساهلة ماهلة تعملوها للسهرية وإلا لعشوية مع الأحباب.
الروسات خذيتها من عند بنت عمتي، مشكورة.
نضمنلكم العصيدة بنينة وخفيفة و تحضر في رمشة عين.

عصيدة بوفريوة

الوصفة

  • حط المكونات الكل غير السكر مع بعضهم في الخلاط (mixeur) وإرحيهم لين يولي الخليط متجانس وأرطب.
  • حط الخليط في وعاء وحطو على نار متوسطة. حرك حتى لين تولي الخلطة كريمية.
  • زيد السكر وكمل حرك. وقتلي تغلي، خليها لأقل من دقيقة على النار.
  • قبل ما العصيدة تبرد، حطها في كيسان وإلا صحاف للتقديم.
  • زينها مالفوق بشوية فزدق مرحي.

ملاحظة:

عجينة البوفريوة متوفرة عادةً في المغازات وتنجم زادة تعملها وحدك في الدار: خوذ 250 غ بوفريوة كعب وحمرها لمدة 10 دقايق. من بعد نحيلها قشورها وهي سخونة بمنديلة قطن. إرحي البوفريوة لمدة 4 دقايق لين تسيب شوية زيتها.

صحة وبالشفاء!
عصيدة بوفريوة