غريبة حمص
وصفة تونسية
غريبة الحمص وصفة زمنية، ساهلة وبنينة، بفارينة الحمص، ما تغيب على عيد.
الوصفة
- غربل المكونات الجافة مع بعضهم في صحفة كبيرة.
- أعمل حفرة في الوسط وزيد الزيت والزبدة المصفية من الحليب.
- خلط مليح باليدين، لين تتحصل على عجينة كيف الرمل.
- إذا عندك رحاية متاع لحم، دور فيها الغريبة مرتين، حتى تولي مزيتة وتنجم تحلها على الطاولة بسهولة.
- إذا ماعندكش رحاية متاع لحم، زيد زيت بالشوية و أعجن مليح لين تولي تتلم.
- حل الغريبة على طاولة نظيفة وسطحها مليح بكف اليد.
- شكل كعبات الغريبة بالطابع إلي عندك.
- تنجم تزينها بالسكينة، أو شوية فاكية مهروشة، أو خليها من غير زينة.
- حط كعبات الغريبة فوق طبق الفرن. ما تستحقش تزيته ولا تحطله ورق الفرن.
- طيبها لمدة 20 إلى 25 دقيقة في فرن مسبق التسخين على درجة 160°C.
- خليها تبرد في الطبق قبل ما تحولها.
صحة وبالشفاء!
