برغم إلي نعدي العيد بعيد على تونس، ديمة نحرص باش الأجواء في الدار تكون كما كنا نعيشوها ديمة مع العايلة. في العيد نتذكر ديمة الفتات. هذي أكلة باجية بإمتياز. هاي عبارة على أوراق خبز رهاف بالكركم، ناكلوهم مع لحم العلوش المفوح بالكليل. استثمرت وقتي وجهدي باش عملتها ونقدمهالكم، إن شاء الله تجربوها وتعجبكم، وإلا ممكن مرة تتعداو لباجة وتخممو تذوقوا الفتات في إحدى المطاعم.

الوصفة

  • أوراق الفتات

  • لحم العلوش
فتات
  • أول حاجة فوح اللحم. من المستحسن فوحه قبل بليلة باش يجيك باهي.
  • غلف أعراف القليل بورق الألمنيوم وأنقبه بالفرشيطة.
  • خوذ طنجرة كبيرة حط فيها اللحم والقليل، أغمرهم بالماء وخليهم يطيبو لمدة ساعة على الأقل.
  • خلط السميد والملح والكركم مع بعضهم. زيدهم الماء الدافي تدريجياً (700 مل)وأعرك لمدة 10 دقايق على الأقل. لازم العجينة تولي رطبة وتتلصق شوية.
  • خلي العجينة ترتاح 30 دقيقة.
  • أعرك العجينة 5 دقايق اخرين وإرخفها بطرف الماء الباقي (100 مل) وأعمل كعابر صغار تغلفهم بالزيت وخليهم يرتاحوا 20 دقيقة.
  • خوذ قلاية نظيفة، اقلبها وحطها تسخن على نار له هادية وله متوسطة.
  • حل كعبورة العجينة على الطاولة بإستعمال الزيت لين تولي رهيفة وتنجم تحطها على القلاية المقلوبة.
  • في أثناء الورقة الأولى تطيب، حل ورقة جديدة.
  • أقلب الورقة الأولى وحط فوق منها الورقة الثانية.
  • عاود العملية مع 5 أو 6 أوراق، حطهم على شيرة وعاود كمية جديدة.
  • من المستحسن الفتات يتقدم سخون؛ أوراق الفتات، اللحم وشوية من صوص اللحم. تنجم زادة تغلف طرف لحم بورقة فتات، غمسها في الصوص وصحة وبالشفاء.
صحة وبالشفاء!
فتات