سلاطة باذنجان
المرة هذي جبتلهم سلاطة ساهلة ماهلة، صحية وبنينة : سلاطة باذنجان مفوحة علكيف بالزيت زيتونة التونسي… نودكم بالوصفة ولا نشهيكم…
الوصفة
- قص الباذنجان مكعبات كبار و غمهم بالماء في كسرونة كبيرة وإلا طنجرة، زيدهم سنون الثوم وخليهم يغليو لمدة 15 دقيقة على الأقل.
- لما الباذنجان تطيب، استقطرها من الماء وإرحيها مع مثلثات الجبن لين تولي رطبة.
- فوحها، زيدها زيت زيتونة والكبّار حسب الرغبة.
- تنجم تقدمها سخونة وإلا باردة.
صحة وبالشفاء!
