روز جربي

  • سهلة
  • 1س 15
  • 4 أشخاص
  • مالح

الروز الجربي طبق تونسي بإمتياز، وهو خليط من الروز والخضروات ومعجون الطماطم واللحم أو الدجاج والكبدة، كلهم طايبين بالبخار ومفوحين بالهريسة والتابل والنعناع المشيح.

الوصفة

  • 1 بصل، مقصوصة خشينة شوية
  • 50غ معدنوس مقصوص
  • 250غ سبناخ مقصوص خشين
  • 2 سفنارية، مقصوصة مكعبات
  • 1 فلفل أخضر، مقصوص
  • ¼ كاس حمص منفخ
  • ½ كاس جلبانة
  • 1 مغرفة كبيرة وافية طماطم معجونة
  • 200غ كبدة وقلب، مقصوصين مكعبات كبار شوية
  • 200غ صدر دجاج أو لحم بقري مقصوصين مكعبات متوسطين
  • 1 كاس روز (مغسول ومش طايب)
  • كاس زيت نباتي
  • أفاحات: كركم، تابل، هريسة، نعناع مشيح، فلفل أحمر، ملح وفلفل أكحل
  • الوصفة ساهلة ومافيها شي: خلط المكونات الكل مع بعضهم وحطهم يتفورو تقريباً 1 ساعة، وحركهم كل 10 أو 15 دقيقة.
  • أكهو! جيب شاهيتك على الطاولة و اتبنن الروز الجربي مع كويس لبن وكعيبات زيتون!
صحة وبالشفاء!