كيكة إسفنجية بالقهوة والجوز
SPONGE CAKE
الوصفة
- غربل الفارينة والخميرة مع بعضهم وخليهم على جنب.
- اركض أصفر العضم مع السكر لين الخليط يولي أبيض.
- زيد مغرفتين مالفارينة لخليط العضم.
- ذوب القهوة في 50 مل من الماء الدافي وزيدهم للخليط مع روح الفانيليا.
- زيد بقية الفارينة للخليط..
- في صحفة أخرى، نظيفة وشايحة، اركض أبيض العضم مع الملح لين يولي أبيض.
- لما يولي البيض عندو قوام ثلجي، زيدو السكر بالطرف مع الخفق المستمر.
- زيد أبيض العضم لخليط الفارينة وخلط بالشوية.
- اقسم الخليط على إثنين، وصبهم في زوز أواني قد قد، مدورين. أواني الفرن لازم تكون دهنتهم بالزيت أو الزبدة.
- طيب الكيكتين في فرن مسبق التسخين على درجة 175°C لمدة 20 دقيقة.
- كي طبقتين الكيك يطيبو، نحيهم مل الإناء وخليهم يبردو فوق حاجة مشبكة.
- ذوب القهوة في مغرفة كبيرة ماء سخون.
- ذوب الشكلاطة وزيدها القهوة.
- زيد مغرفتين كبار من كريمة الخفق (قبل الخفق) للشكلاطة وخليها على جنب تبرد.
- اركض كريمة الخفق مع السكر وروح الفانيليا، من بعد زيدها الشكلاطة.
- إحتفظ بالكريمة في مكان بارد.
- أعمل فرشة كريمة معها جوز مهروش بين طبقتين الكيك.
- غطي الكيكة الكل بالكريمة وزينها بالجوز ونجارة الشكلاطة.
صحة وبالشفاء!
