لفائف الدجاج
حايرين شنوة تنجموا تحضروا حويجة بالخف وبنينة لفطور غدوة في الخدمة؟ نقترح عليكم لفائف الدجاج بالترتيلا…
الوصفة
- قصّ صدر الدجاج مكعبات وفوّح بشوية ملح، فلفل أكحل وتابل. طيبهم في مغرفة كبيرة زيت لين يتحمروا.
- قصّ الباذنجان والفلفل والقرع الأخضر شرائح وطيبهم في مغرفة كبيرة زيت وشوية ماء. فوّحهم بالملح، الفلفل الأكحل والتابل.
- وقتلي الخضرة تطيب، زيد عليها الفطر وخليها على النار مدة 3 دقايق.
- زيد الدجاج للخليط.
- حطّ مغرفة كبيرة كريمة طازجة في الخليط وفوّح بجوزة الطيب. خليها على النار لمدة دقيقة.
- حطّ الحشو إلي حضرته في خبز التورتيلا، زيد شوية جبن مرحي ولفها.
- وهكا عندكم لفائف دجاج بنان تاكلوهم مع سلطة فرشكة.