مافنز بالكراميل

مافنز ساهلين وبنان عالأخر، بقلب الكراميل.

وصفة الكراميل تلقاوها في الرابط هذا.

الوصفة

• في إناء كبير، خلط البيض مع السكر، روح الفانيليا والملح. أركضهم مليح حتى يتضاعف حجمهم.
• زيد الزيت أو الزبدة الذايبة.
• خلط الفارينة مع الخميرة.
• زيد الفارينة والحليب للخليط بالتناوب على 3 مرات.
• حضر كيسان المافن متاعك (اواني الفرن). غلفهم بورق الفرن، إدهنهم بالزيت وإلا الزبدة إذا تعرفهم يلصقوا.
• عبي الكيسان للشطر.
• حط مغرفة صغيرة كراميل في الوسط وكمل املء الكيسان.
• رد بالك بش تعبي الكيسان لل ¾ أو أكثر شوية بش ما يفيضوش وقت الطياب.
• زينهم باللوز مالفوق.
• طيبهم لمدة 20 إلى 25 دقيقة في فرن مسبق التسخين على درجة 180°C.
• باش تزيدهم أكثر بنة، حط فوقهم شوية كراميل مذوب دوب تخرجهم مالفرن.
• نحيهم مالكيسان وخليهم يبردوا فوق حاجة مشبكة.

معلومات غذائية

• سعرات حرارية: 270
• كربوهيدرات: 29.5g
• كوليسترول: 40mg
• دهون: 15.9g
• ألياف: 1.1g
• بروتين: 4.6g
• دهون مشبعة: 4.5g
• حجم الحصة: 1 قطعة
• صوديوم: 61mg
• سكر: 12.3g

صحة وبالشفاء!